全因為我是孻女嗎?

自有記憶以來,我一直都以為我媽是這個家最寵我的。雖然兩姊妹之中我是俾阿媽打得最勁的那個,而長大後她又經常罵我得過且過、懶、間房亂七八糟、日日淨係識得食/瞓/打機、女仔人家把口咁爛、不務正業,又自我升大學以來就斷我零用(她真是一毛子零用也沒給過我的啊……),但我一直都知道她是寵我的。

但昨兒個卻發生了一件事,讓我發現到原來我媽才不是家裡最寵我的那個,就算真的是寵,也不會去到一個溺縱的地步……因為溺縱我的真兇乃是另有其人。

人物:我,我爸。
時間:0930AM。
地點:車上,離家大約六個街口左右,往skytrain站途中。

我:「好眼瞓囉。」
爸:「尋晚幾點瞓呀又?」
我:「……正確黎講,係今晨五點半,當太陽公公的光線從窗戶滲入黎我間房果陣。」
爸:「嘖,好心妳啦,明知要返學仲唔早D瞓。」
我:「唔係啦,我成晚唔瞓掛住你擔心你嘛~」 (因為我爸最近返通宵shift)
爸:「攞黎講啦妳!(笑)」

-車子此時來到了十字路口,因為整路而大塞特塞中-

爸:「搞錯呀,rush hour先黎整路!」
我:「咪係!仲駛返學既?」
爸:「妳今日返幾點?」
我:「……十點。」
爸:「……」
我:「不如掉頭走咯!XD」
爸:「……」
我:「打燈啦,打燈啦!XDDD」
爸:「返少日得唔得架妳?」
我:「……我講下咋喎。」
爸:「咁妳想唔想返丫?」
我:「……打燈丫唔該。」
爸:「OK~~」

現在想來我和我爸還真是過份,兩條友回到家後居然換回睡衣繼續瞓,一直瞓到下午四點才起床煮食。雖然hea在家中的日子確是好幸福,但當晚卻開始內疚起來(我成年幾無走過堂喇),也就贖罪性地打了個電話給身在香港的母親,向她說了此事。

媽:「作反啦妳地兩個!(笑)」
我:「唔關我事呀,係你老公作最後抉擇架!!」
媽:「俾個電話佢!唔鏟佢都唔得架!」
我:「咁妳又唔好,其實都係我撩佢先既。」
媽:「妳真係丫!(下刪數百字)以後唔好喇知唔知呀!」
我:「知道。」

好在我品性純良(?)又是名孝順兒女、黐家一族唧(其實是因為沒多少零用而自閉在家),不然我想我早就被這兩夫婦寵到無法無天了。囧

0 意見: