病気になった。

今日本來沒堂,但由於我沒買SPSS,所以就唯有帶病上山一趟,想在學校早早的把stats功課寫完send出去,然後再專心寫下一份星期五要交的論文。好啦,寫啦。寫到下午四點多時,我忽爾驚覺原來已經過了回家的時間,也就快快手執拾好東西回家。然而在回家途中,我又忽爾驚覺,頂!!!!!! 原來我未save好個document去個webspace度就走了!!!

唉,今日做的功課,要全部報銷了。看來人家說的笨蛋都不會傷風,都只有我是例外呢,我這個會傷風的大笨蛋真真真討厭。唯有明天早點上學去看看檔案還在不在,不在就由頭再做過好了。妖。

- - - - - - - - - - - -
飯後,樓上的租客太太下來和我媽聊天,而小家的我本來好想裝睡躲在房間的,奈何我的喉嚨痛得要命,也就被逼要出廚房泡杯薑母茶救命。而在泡茶期間就聽到樓上的太太非常巧妙地把她們原先在討論的話題轉到過來我這邊。

她(壓下了聲線):「妳個細女都幾乖喎,成日都唔出街,一放學就返屋企既?」
媽:「佢?係架。」
她:「咁佢係房做咩架佢?」
媽:「下?無乜特別丫,都係睇下電視咁囉。」我好感謝我媽沒將我病態的一面說出來。
她:「唔悶既咩?無拍拖?」
媽:「佢話唔想拍住喎,我都覺得讀埋書先拍會好d。」……我也好感謝我媽沒將我膚淺的一面說出來。
她:「哦……佢無返教會?咁樣好無寄託架喎。」
媽:「佢以前返過,後來覺得唔適合佢就無返喇。」
她:「佢以前返既係基督教教會?不如帶佢返我地個天主教教會丫。」
媽:「嘿~班後生有佢地自己既想法既,邊帶得咁多?」媽,我好愛妳(淚)!!
她:「哦……。」
媽:「咁妳個大仔呢?成日都咁夜返既?」媽,妳好狠。

3 意見:

Hana | March 3, 2009 at 3:19 PM

嘩,你媽咪好可愛吖!

Anonymous | March 3, 2009 at 9:24 PM

溫太好波...

Irisssy | March 4, 2009 at 3:42 PM

我都覺得我阿媽好得 XD