少女情懷。

少女情懷。

一週前，在超市看到好新鮮好漂亮，粉黃色的芒果時：

媽：妳睇吓幾靚！
我：係喎，好似一個未經人事嘅少女個乳房咁！
媽：*&^%$#@ 咁長既乳房我就唔要啦！
我：!!!!!!!!!!!!（爆笑中）

- - - - - - - - - - - -
數天前，在家裡的果籃看到了紅粉紅粉的富士蘋果時：

媽：買左蘋果啊吓，記得食。
我：嘩隻粉紅色好靚喎，好似一個懷春少女嘅乳暈咁！
媽：頂！！！！又少女？！又少女？！
我：我中文差吖嘛。
媽：*&^%$#@

- - - - - - - - - - - -
昨晚跟母親學做燒肉的時候，替豬拔毛中：

媽：你睇下哩隻豬。
我：嗯？
媽：個奶頭仲係度喎～
我：係喎！
媽：原來哩隻係少女豬黎。
我：!!!!!!!!!!!!!!!!!!!!!! XDDD
媽：唔係咩？
我：頂!!!!!!!!!

母親，我教壞了你，對唔住。

話時話，本人實在是十萬分抗拒「少女」這個名稱。雖然我的確還是十八廿二，但我想來想去還是覺得自己不夠女孩子氣。更何況我心境上也早就已經過了這個階段，尤其自早前我在登記做義工的網站上赫然發現自己已經不再是"youth"後，我更是疊埋心水遠離「少女」一詞。「少女」，還是留給平成年代的二八年華當吧。