解讀《女友三十戒》。

Hana處摘來的解讀《女友三十戒》。填完後,我只能說,寫這三十戒的人是神。他居然可以設計這麼多錯別字出來,還能分佈在每條的不同位置喎,勁!我絕對相信他是故意的。


>1. 我中意一個小島依人,聽晒我話既女朋友。

睇下咩事啦大佬,唔通你去打劫金行我仲要嗲住咁叫你小心啲咩。

>2. 自尊心極強係我既憂點。

唔係過強就得啦。

>3. 漫畫展係我每年最緊張既節目,我會擔定櫈仔排頭位,妳喺電視新民見到我唔使驚瓦。

你唔帶埋我去信唔信我一把摺凳唓埋你度丫拿。

>4. 我唔覺得$10000HKD一隻Action Figure貴。

只要你唔好買齊珍藏用、觀賞用、日常用三隻就得喇。

>5. 你越無知我越覺得妳可愛。

吓,你講咩呀?唔明喎。

>6. 不知進取係每個人既弱點,無人可以怪責我,包括妳。

咦?原來你已經去到一個無需要再知進取嘅地步喇?咁厲害。

>7. 我中意既遊戲係Xbox既Halo、Project Gotham Racing、Counter Strike以及PS既WE,妳千奇唔好買Scrabble同Blokus比我。

Again,你最好預埋我,唔係我一嘢DEL鬼晒你啲 saved data吖嗱。

>8. 沈迷打機睇慢畫玩Figure唔代表幻稚。

鑽研OK,但沉迷就自誤喇你。

>9. 我唔會每日打電話比妳,不過我會日日打機。

你最好唔好日日打電話俾我。I do have a life, mind you.

>10. 妳見到我打機既時候,要囋我勁。

得,無問題。如果你打得贏我嘅話。

>11. 如果我遲到,一定係我尋晚打通宵機唔知醒,所以你唔好比面色我睇。

傻啦,你唔會見到我副面色的,因為我等夠十五分鐘就會走人架喇,咪話我唔提醒你。

>12. 我一日打唔爆部機我一日都會情綷暴喿,妳最好唔好煩我。

邊敢煩你?我仲會幫你打爆佢添。你到時唔好煩住我就真。

>13. 妳最好唔好叫我去Social,我留番D時間打機上網睇電視訓覺唔好?

你放心,我唔會帶埋你去的。唔係一陣你扭返屋企我點算?

>14. 我想妳同我一齊買波衫買波鞋,宜且仲要囋我有眼光。

一齊去無問題,讚埋你都無問題,但係見到我沒甚表情地讚你的話,就唔該你自動自覺同我去街時著過另一套囉。

>15. 唔可以唔妥我既豬朋狗友,因為佢地係我飲包食醉以及星其六晚睇英超聯既親蜜戰友。

大家咁話,唔可以唔妥我班姐妹淘,因為佢地比你更加重要。

>16. 男人睇波女人收聲,叫妳針茶第水妳要聽。

去得你屋企你就係主人啦,咁關我鬼事喎。第一,我唔慣喧賓奪主、第二,喂,我都要睇靚仔架!

>17. 我唔主動嚷坐比老人家唔主動叫人早晨唔講唔該唔講多謝唔代表我無禮貌。

得得得,你唔讓,我讓。你唔叫人早晨,我叫。容乜易?我最多咪轉搭回程車返屋企然後第日寄本「如何改善做人態度-禮貌篇」過你?

>18. 我份人好易話為,唔會揀飲習食。出街食飯由妳話事,不過要揀間可以著Graphic Tee同波衫既餐廳,而且埋單要$100HKD有找。

咁你去揀啦,唔好日日去硬同一個地方食就得架喇我。

>19. 一齊食飯一定要AA制,如果我無帶錢,妳一定要在無人知既情況下過錢比我,唔可以落我面。

你一餐我一餐可以,但AA一定唔得。過錢俾你?得!等我還晒我嗰幾皮嘢 student loan先啦。

>20. 餐枱禮儀純熟虛偽。

記得提我郵寄埋本「如何改善做人態度-餐桌禮儀篇」俾你。

>21. 我唔介意妳係肥定瘦,不過一定要咸磅。

咁私人嘅嘢唔到你話事。

>22. 女子以身才為貌,不過都要有樣貌。

男女平等呀先生。

>23. 你著套Gucci同我出街我會自俾。

我對Gucci無興趣。Lululemon啱唔啱?

>24. 我向東時如果妳行西,我會即刻叫你去yak西。

我唔搞GL的,thanks。

>25. 我介意妳望靚仔,更介意妳唔比我望靚女。

我唔介意你望靚女,更加唔介意同你一齊望,但係我唔準你剝削我唯一的做人樂趣。

>26. 我有睇四仔既習慣,妳最好唔好叫我戒。

遇啱邊套有靚仔嘅,勞煩單聲我知。

>27. 送超過$100HKD既禮物比妳會令妳陪養出貧慕虛榮既心,我都係為妳好。

送食得落肚嘅俾我吖唔該。

>28. 我唔介意你開罐頭或煮鮑魚比我食,不過我介意你唔洗碗,因為洗碗係女人既責任。

我阿爸唔俾我洗碗架,前世未俾佢鬧過咩。雖然好似真係未鬧過。

>29. 我成世唔拍拖唔代表我係一條溝唔到女既可連蟲,而係我不肖依家香港女仔拜金刁盲既態度。

係你遇唔啱人唧。

>30. 如果妳對以上任何一條戒條有不滿既話,我會稱呼妳為「港女」。

我雖然係有好多不滿,但係嚴格嚟講,我係一名1.5 generation的Canadian Born Chinese, 即CBC。歌仔都有得唱:「CBC係我係我,橫睇豎睇都係我,無錯無錯」勞煩你記住。

4 意見:

Anonymous | March 12, 2009 at 12:38 PM

thats just 毒

Irisssy | March 12, 2009 at 1:12 PM

thats just me.

Hana | March 12, 2009 at 1:56 PM

好掂!

Irisssy | March 12, 2009 at 3:44 PM

Hana> 我都係鐘意你個解讀多些! 好到肉~