Random x 2.

Random x 2.

明天要考的criminal procedure：
小妹不才，明天考試用的貓紙（老師准許的哦）已被我密密麻麻地填滿了兩面。本來還想寫些難記的legal definitions上去，豈料寫案例已寫滿了兩面紙。唯有到時候旨意紅本子吧。

********
剛去接我爸放工，與母親在路上的對話：

媽：到底妳鐘意咩類型嘅男仔？
我：我係一個好膚淺嘅人。
媽：唔係好實際喎。
我：但係好似我覺得靚嘅好多人都唔覺得靚喎。
媽：陳鍵鋒？
我：陳曉東果類囉。
媽：咁陳曉東都算靚仔。
我：吓，人妖東喎。
媽：佢應該都幾有錢。
我：係都唔關我事啦。
媽：係唧。
我：聽講佢女朋友仲細過我。
媽：係？！佢都唔細架喇喎！
我：大家姐一年囉。
媽：差唔多。佢都非一日嘅陳曉東啦。
我：XD
媽：唔係咩，我好細個就已經聽佢唱歌架喇！
我：媽咪 XD 嗰個係我呀。妳係尹光年代架妳。
媽：邊個嚟架？唔識喎，咩呀，我頂晒攏咪陳百強、黃家駒年代？
我：頂～～嗰個咪又係我個年代？！僅僅。
媽：咪係，早抖啦！

我只能說，我有今日這般癲喪，不多不少都是拜我母親所賜的。